Íslenska landsliðið vann stórsigur a Andorra í síðasta leiknum i riðlakeppninni Smáþjóðaleikanna á Möltu með 108 stigum gegn 72. Staðan i hálfleik var 49-37 fyrir Ísland.

Guðmundur Bragason fyrirliði íslenska liðsins var i byrjunarliðinu í fyrsta sinn í mótinu og dreif hann sína menn áfram með stórleik. Guðmundur gerði 9 fyrstu stig Íslands og barði saman varnarleik liðsins með mikilli baráttu. Alls gerði Guðmundur 23 stig og tók 17 fráköst á þeim 24 mínútum sem hann lék.

Fyrsti leikhlutinn var í jarnum og leiddu Andorramenn eftir hann með 26 stigum gegn 21. Eftir það var aldrei litið um öxl og sýndi liðið loksins hvað í því býr, mikil barátta um hvern bolta og sóknarleikurinn leikinn af krafti.

Liðið leikur á morgun í undanúrslitum annað hvort við Lúxemborg eða Kýpur og fer leikurinn fram kl. 18.00 á morgun. Er það breyttur leiktími frá því sem áður var ákveðið.

Stig Íslands gerðu Guðmundur Bragason 23 (17 fráköst). Logi Gunnarsson 13 (4 stoðsendingar) Damon Johnson 13 (6 stoðsendingar, Magnús Þór Gunnarsson 11, Páll Axel Vilbergsson og Helgi Magnússon 10, Baldur Ólafsson 9 (4 varin skot á 12 mínútum), Sverrir Þór Sverrisson 7 (3 stoðsendingar), Jón Nordal 6 og Friðrik Stefánsson 3.