ÍSÍ er byrjað að undirbúa Smáþjóðaleikana sem fara fram á Íslandi næsta sumar dagana 1.-6. júní. Körfuboltakeppnin verður meðal stærstu viðburða að venju og fer öll keppninn fram í Laugardalshöllinni.

Það er því sannkölluð körfuboltaveisla framundan en bæði lið karla og kvenna munu leika fyrir Íslands hönd á mótinu.

Nú hefur stór auglýsing verið hengd upp á gafli ÍSÍ í Laugardalnum og þar er það Sara Rún Hinriksdóttir, leikmaður íslenska landsliðsins og Keflavíkur, sem sést þar leika körfuknattleik við Svartafoss. Myndin er liður í auglýsingaherferð leikanna þar sem hinar ýmsu íþróttagreinar eru myndaðar í íslenskri náttúru.

Hægt er að lesa nánar um málið í frétt ÍSÍ á heimasíðu þeirra.