Langar ykkur að fylgja í fótspor Jóns Arnórs og Loga? Eurocamp 2003 alþjóðlegu körfuboltabúðirnar verða haldnar í Cumbria í Englandi dagana 3-8 ágúst næstkomandi.

Þarna verða krakkar og unglingar á aldrinum 11-22 ára víðs vegar að úr Evrópu þannig að þetta verður mikil lífsreynsla auk þess sem þið lærið heilmikinn körfubolta. Leikmönnum verður skipt í hópa eftir reynslu og getu þannig að allir fá kennslu og leiðsögn við sitt hæfi. Einnig er boðið upp á enskukennslu í klukkutíma á dag fyrir þá sem það vilja.

Búðunum er stjórnað af ungverjanum Laszlo Nemeth. Hann er landsliðsþjálfari Englands og er íslendingum að góðu kunnur, en hann gerði KR að Íslandsmeisturum 1990 og þjálfaði líka landslið Íslands í nokkur ár.

Pétur Guðmundsson verður einn af þjálfurum í búðunum og hann verður einnig fararstjóri í þessari ferð. Ef þið viljið fá nánari upplýsingar getið þið hringt í Pétur í síma 514-4105 eða 895-1058.

Búðirnar fylltust í apríl í fyrra þannig að þið verðið að ákveða ykkur fljótlega ef þið viljið fara í þessar búðir.