Tilgangur sjóðsins er að efla fræðslu á vegum KKÍ hverju nafni sem hún nefnist.

Stjórn sjóðsins skal skipuð formanni KKÍ, formanni fræðslunefndar og formanni dómaranefndar. Stjórn sjóðsins skal taka mið af fræðsluáætlun KKÍ hverju sinni og mati á fræðsluþörf sem fræðslunefnd leggur fram 1. maí ár hvert

Stjórn sjóðsins skal leggja fram áætlun um nýtingu fjármagns úr sjóðnum til stjórnar KKÍ eigi síðar en 1. júní ár hvert. Áætlunin skoðast samþykkt geri stjórn KKÍ ekki athugasemd við áætlunina fyrir 1. ágúst.

Sjóðurinn niðurgreiðir kostnað við þau námskeið sem skipulögð eru af dómaranefnd og fræðslunefnd. Leitast skal við að hafa námskeiðin á sem flestum stöðum um landið. Sjóðurinn skal einnig standa undir kostnaði KKÍ við haustfund dómara.

Framlög félaga í sjóðinn
Félög í efstu deild karla greiða hvert kr. 40.000 á ári í sjóðinn, félög í efstu deild kvenna og fyrstu deild karla greiða hvert kr. 25.000 á ári í sjóðinn. Gjalddagi skal vera 20. október ár hvert. Skuldi félag í fræðslusjóðinn skal sú skuld teljast vera skuld við KKÍ.

Fræðslusjóður tekur yfir þær skyldur sem lagðar hafa verið á fræðslusjóð.