KR tryggði sér fjórða leikinn á heimavelli gegn ÍS með 51-54 sigri í þriðja leik liðanna í lokaúrslitum kvenna en leikurinn fór fram í Kennaraháskólanum. Hér á eftir fara tölurnar sem skiptu mestu máli í leiknum.

15/2 Meadow Overstreet hitti aðeins úr 2 af 15 skotum sínum og gerði bara níu stig í leiknum en hún hafði hitt úr 48,6% skota sinn og gert 28 stig að meðaltali í fyrstu tveimur leikjunum. Meadow klikkaði á fimm fyrstu þriggja stiga skotum sínum og setti að lokum aðeins eina niður af sjö en í fyrstu tveimur leikjunum höfðu 9 af 17 þriggja skotum hennar farið niður eða 53%.

6 Helga Þorvaldsdóttir var með fimm stoðsendingar í fyrsta leikhluta og kom að öllum sex körfum KR-liðsins fyrstu tíu mínúturnar. Helga kom KR í 0-3 með þriggja stiga körfu og lagði síðan um næstu fimm körfur KR-liðsins.

35 Hildur Sigurðardóttir, KR tók yfir tíu fráköst þriðja leikinn í röð og hefur nú níu frákasta forskot á næsta mann á listanum yfir þær sem hafa tekið flest fráköst í einvíginu. Hildur hefur tekið alls 35 fráköst, eða 11,7 að meðaltali í leik en ellefu af fráköstunum hefur Hildur tekið í sókn.

9 KR-vörnin gætti þeirra Meadow Overstreet og Öldu Leif Jónsdóttur hjá ÍS alveg sérstaklega vel í fyrri hálfleik þar sem þær gerðu aðeins níu stig saman og misnotuðu fimm af sjö skotum. Overstreet og Alda höfðu gert alls 44 stig í fyrri hálfleikjum fyrstu tveggja leikjanna, Overstreet 29 og Alda Leif 15.

5/4 KR-liðið nýtti fjögur af fyrstu fimm skotum sínum í leiknum og var komið í 10-4 eftir 4:29 og það þrátt fyrir að hafa á sama tíma tapað fórum boltum. KR-liðið hitti úr tveimur fyrstu þriggja stiga skotum sínum í leiknum.

5 Alda Leif Jónsdóttir hjá ÍS jafnaði metið yfir flest varin skot í lokaúrslitum kvenna með því að verja fimm slík en Alda Leif varði öll skotin eftir hlé. Alda Leif á nú metið með þeim Önnu Maríu Sveinsdóttur (með Keflavík gegn KR 8/4/2000) og Erlu Þorsteinsdóttur (með Keflavík gegn KR 31/3/2001). Alda Leif hefur varið tíu skot í þremur leikjum einvígisins eða jafnmikið og allt KR-liðið til samans.

11. Stúdínur biðu þarna sinn fyrsta ósigur í tíu leikjum en liðið hafði unnið sex deildarleiki og fjóra leiki í úrslitakeppninni í röð. Síðasta tap ÍS fyrir þennan leik var 2. febrúar þegar liðið tapaði 68-37 fyrir KR í KR-húsinu.

42-39 Stúdínur unnu í fyrsta sinn fráköstin í einvíginu en ´ÆIS tók 42 gegn 39 fráköstum KR og átti í fyrsta sinn frákastahæsta leikmann leiksins en Lovísa Guðmundsdóttir tók 16 fráköst í leiknum.

+6 Lovísa Guðmundsdóttir tók sex fleiri fráköst í þessum leik en í hinum tveimur til samans og það þótt þær báðir voru framlengdir. Lovísa tók fimm fráköst í fyrsta leikhluta og var komin með átta fráköst í hálfleik.

16% KR-liðið nýtti aðeins 16% skota sinn í seinni hálfleik og fékk átta af 20 stigum sínum í hálfleiknum af vítalínunni. Stúdínur vörðu sjö skot í seinni hálfleik og KR misnotaði þar öll fjögur þriggja stiga skotin sín.