Grindvíkingar hafa unnið tvo fyrstu leiki sína í Iceland-Express deild karla í körfubolta líkt og lið Njarðvíkur, Keflavíkur og Hamars/Selfoss en Grindavík hefur einmitt byrjað liða best í úrvalsdeild karla undanfarin ár. Þetta er fjórða árið í röð sem Grindvíkingar vinna tvo fyrstu leiki sína og þeir eru líka það lið sem hefur náð besta sigurhlutfalli út úr fyrstu tveimur umferðunum í þau tíu ár sem núverandi fyrirkomulag hefur verið. Grindavíkurliðið hefur unnið 16 af 20 leikjum sínum í 1. og 2. umferð og verið átta sinnum með fullt hús eftir tvær umferðir. Keflavík hefur orðið Íslandsmeistari síðustu þrjú ár en í ekkert skiptið hefur liðið verið með fullt hús eftir tvo fyrstu leiki deildarkeppninnar. Þetta er í fyrsta sinn síðan haustið 2000 sem að Keflvíkingar hafa unnið tvo fyrstu leiki sína.

Besti árangur í fyrstu tveimur umferðunum úrvalsdeildar 1996-2005:
Grindavík 16 4 80,0%
Njarðvík 14 6 70,0%
Keflavík 14 6 70,0%
Haukar 13 7 65,0%
Tindastóll 11 7 61,1%
KR 12 8 60,0%
Þór Ak. 7 7 50,0%
Hamar (Hamar/Selfoss) 6 8 42,9%
ÍR 6 10 37,5%
Skallagrímur 5 13 27,8%
Snæfell 3 9 25,0%
KFÍ 3 11 21,4%
ÍA 4 4 50,0%
Þór Þ. 2 0 100,0%
Fjölnir 3 1 75,0%
Breiðablik 1 7 12,5%
Valur (Valur/Fjölnir) 0 8 0,0%
Stjarnan 0 2 0,0%
Höttur 0 2 0,0%

Lið sem hafa oftast verið með fullt hús eftir fyrstu tvo leikina:
Grindavík 8
Njarðvík 4
Keflavík 4
Haukar 4
KR 3
Tindastóll 3
Þór Akureyri 2
Hamar (Hamar/Selfoss) 2
Fjölnir 1
Skallagrímur 1
Þór Þorlákshöfn 1
ÍA 1
Aldrei: ÍR, Snæfell, Breiðablik, KFÍ, Valur (Valur/Fjölnir), Stjarnan og Höttur