Körfuknattleiksdeild Þórs Akureyri heldur mót fyrir 30 ára og eldri körfuknattleiksmenn í Íþróttahöllinni á Akureyri laugardaginn 1.febrúar næstkomandi. Leiktími verður 2x10-12 mínútur og klukka stoppuð í vítum. Mótið hefst kl. 11:00 en leikið verður í tveimur
riðlum og síðan verður leikið um sæti eftir það. Þátttökugjald er 2000 krónur á mann og er snarl og óvissuferð að móti loknu innifalið í því.

Skráning er hjá Jóhanni R. Sigurðssyni (ninny@simnet.is) en
síðasti skráningardagur er miðvikudagurinn 29. janúar. Þegar hafa 10 lið skráð sig til leiks og fleiri eru í startholunum.

Mt: Gömlu refirnir, Ágúst H. Guðmundsson og
Eiríkur Sigurðsson, eiga vafalítið eftir að berjast
grimmt um bikarinn góða.