Á föstudaginn var haldið hin árlega fjölmiðlaferð KKÍ í 6. sinn. Fjölmiðlaferðin hefur verið í formi óvissuferðar, og er annarsvegar fræðsluvettvangur Körfuknattleikssambandsins með íþróttafréttamönnum og hinsvegar keppni í verklegum og skriflegum körfuboltaþrautum. Veittur er bikar í verðlaun, og sigurvegarinn að þessu sinni var Guðmundur Hilmarsson blaðamaður hjá Morgunblaðinu. Keppnin fór fram í Njarðvík.

Fræðsluhlutinn var að þessu sinni umfjöllun um keppnisfyrirkomulag í körfuknattleik, og urðu gagnlegar umræður um þetta málefni. Í verklegu körfuboltaþrautunum var bryddað upp á nýjung í formi troðslukeppni (lækkaðar körfur) og kom berlega í ljós að íþróttafréttamenn hafa tekið vel eftir frumlegum hreyfingum þeirrar ágætu iðju. Skriflegu þrautirnar fólust í 10 spurningum sem keppendur fengu 2 mínútur til að leysa, og til gamans fylgja spurningarnar hér svo lesendur geti spreytt sig sjálfir. Svörin verða birt síðar.

Körfuknattleikssamband Íslands vill þakka íþróttafréttamönnum ánægjulega kvöldstund, og ekki síður vill stjórn KKÍ þakka Njarðvíkingum fyrir aðstoð við fjölmiðlaferðina. Þá vill stjórn KKÍ ennfremur þakka Hópbílum fyrir stuðninginn, en Hópbílar hafa frá upphafi verið aðalstyrktaraðili fjölmiðlaferðarinnar.