KKÍ hefur ákveðið að hrinda af stað mánaðarlegu þjálfaraspjalli. Fyrsti spjallfundurinn verður laugardaginn 11. janúar kl. 10-12 í sal ÍSÍ í Laugardal. Á þessum fyrsta spjallfundi mun Eggert Garðarsson þjálfari ÍR taka fyrir maður á mann vörn, hjálparvörn, skiptivörn og yfirdekkanir. Eggert mun einnig taka fyrir fráköst og útstig, hvernig slíkt er kennt og hugsanlegar æfingar til þess að bæta þessi atriði.

Þjálfaraspjallið er opið öllum körfuknattleiksþjálfurum, bæði þeim sem eru nýbyrjaðir að þjálfa og einnig þeim sem lengra eru komnir. Um er að ræða óformlegan spjallfund fremur en fyrirlestur. KKÍ hvetur alla þjálfara til að mæta á fundinn og hlusta á Eggert og það sem hann hefur fram að færa og taka þátt í umræðum um viðfangefni fundarins sem vonandi verða fjörlegar.