Alþingi samþykkti í síðustu viku lög um veitingu ríkisborgararéttar. Ellefu erlendum ríkisborgurum var veittur íslenskur ríkisborgararéttur samkvæmt lögunum sem ölast gildi nú þegar. Meðal þeirra eru körfuknattleiksmennirnir Damon Johnson og Leon Perdue.

Damon Johnson lék fyrst hér á landi keppnistímabilið 1996-97 með Keflavík. Svo lék hann eitt tímabil með ÍA og aftur með Keflvíkingum tímabilið 1998-1999. Hann lék svo á Spáni tímabilið þar á eftir. Damon snéri til Íslands á ný í fyrra og hóf að leika með sínum gömlu félögum í Keflavík.

Leon Perdue kom fyrst til Íslands árið 1995 og lék þá með Selfyssingum. Hann síðar með Hrunamönnun, en er nú spilandi þjálfari Ármanns/Þróttar í 1. deild.

KKÍ óskar þeim félögum til hamingju með ríkisborgararéttinn og óskar þeim velfarnaðar á körfuknattleiksvellinum undir nýjum formerkjum.