Kjörísbikar karla hefst nú um helgina. Alls hafa 16 lið unnið sér rétt til að leika í Kjörísbikarnum að þessu sinni en það eru þau 12 lið sem léku í úrvalsdeild í fyrra og 4 efstu liðin í 1. deild karla.
Deildarmeistarar Keflavíkur mæta KFÍ sem lenti í 4. sæti 1. deildar og Njarðvíkingar mæta ÍS sem var í 3 sæti 1. deildar. KR-ingar sem lentu í 3 sæti áttu að leika við Stjörnuna en þar sem Stjarnan hefur dregið mfl. karla út úr mótinu dæmist KR-ingum sigur í viðureigninni og fara þeir áfram í 8 liða úrslit. Báðir leikir KFÍ og Keflavíkur fara fram á Ísafirði nú um helgina til að spara félögunum ferðakostnað.

Leikirnir í 16 liða úrslitum Kjörísbikarsins eru eftirfarandi;
12. október KFÍ - Keflavík kl. 18.00 á Ísafirði
13. október Keflavík - KFÍ kl. 13.30 á Ísafirði, Skallagrímur - Grindavík í Borgarnesi kl. 19.15, Þór Ak. - Haukar á Akureyri kl. 16.15, ÍS - Njarðvík kl. 19.15 í Kennaraháskólanum, ÍR - Breiðablik í Seljaskólanum kl. 19.15, Snæfell - Tindastóll í Stykkishólmi kl. 19.15 og Valur - Hamar í Valsheimilinu kl. 19.15.
Síðari umferðin fer fram á fimmtudag og föstudag í næstu viku.

Í kvennaflokki mætast ÍR og Hamar á sunnudaginn kl. 21.15 í forkeppni að 8 liða úrslitum Kjörísbikarsins.