Um síðustu helgi fór fram seinni æfingarhelgi úrvalsbúðanna 2014 en sú fyrri fór fram í vor. Strákarnir voru í Dalhúsum og stelpurnar á Ásvöllum.

Úrvalsbúðirnar eru metnaðarfullt verkefni sem er fyrsta stig afreksstarfs KKÍ. Búðarstjórar eru Ingi Þór Steinþórsson og Margrét Sturlaugsdóttir.

Leikmenn karlalandsliðsins gáfu sér tíma um helgina til þess að kíkja á krakkana og hvetja þau til dáða.

Ásamt körfuboltaæfingum á parketinu fengu elstu krakkarnir fyrirlestur eins og á fyrri helginni. Að þessu sinni komu þau Hafrún Kristjánsdóttir, íþróttasálfræðingur, og Viðar Halldórsson, íþróttafræðingur í búðirnar að hitta krakkana.

Landsliðsmiðherjarnir Sigurður Gunnar Þorsteinsson og Ragnar Nathanaelsson fóru í Stinger með krökkunum.