Á miðvikudaginn kemur fer fram lokaleikur íslenska karlalandsliðsins í undankeppni EuroBasket 2015 í Laugardalshöllinni.

Þá mæta Bosníu menn í Höllina en leikur liðanna hefst kl. 19.30. Staðan er sú eftir gærkvöldið að leikir í öðrum riðlum fóru ekki eins og hefði hentað Íslandi best upp á að tryggja sæti sitt endanlega á lokakeppnina en við því var að búast. Með sigri í leiknum tryggjum við okkur 1. sæti riðilsins og þar með öruggt sæti á EM næsta haust.

KKÍ hvetur alla körfuknattleiksaðdáendur að fjölmenna á leikinn og styðja við bakið á strákunum. Miðasala fer fram á www.midi.is en mikill áhugi er á leiknum og vonum við að það verði uppselt. Því er um að gera að tryggja sér miða í tíma og mæta tímanlega á leikstað til að forðast biðraðir.

Miðaverð er 1500 kr. fyrir 16 ára og eldri en frítt fyrir 15 ára og yngri.