Logi Gunnarsson fagnaði sigri með íslenska karlalandsliðinu í körfubolta í fimmtugasta sinn í gærkvöldi þegar Ísland vann 71-69 sigur á Bretlandi í Koparkassanum í London.

Logi skoraði 9 stig á 16 mínútum í leiknum og hitti úr 3 af 6 skotum sínum. Þetta var fyrsti leikurinn í undankeppninni í ár þar sem Logi nær ekki að rjúfa tíu stiga múrinn en hann er með 12,3 stig að meðaltali í fyrstu þremur leikjunum.

Logi sem var að spila sinn 104. A-landsleik á ferlinum hefur verið í sigurliði í 48 prósent leikja sinna með landsliðinu eða í 50 leikjum af 104.

Logi hefur ennfremur verið í sigurliði í þréttán Evrópuleikjum og hefur þar eins sigurleiks forskot á Helga Má Magnússon á listanum yfir flesta sigra í Evrópukeppni innan landsliðshópsins í dag.

Flestir sigurleikir með landsliðinu í landsliðshópnum í ár:
Logi Gunnarsson 50
Helgi Már Magnússon 39
Hlynur Bæringsson 31
Jón Arnór Stefánsson 25
Sigurður Þorvaldsson 24
Pavel Ermolinskij 22
Hörður Axel Vilhjálmsson 22

Flestir sigurleikir í Evrópukeppni innan landsliðshópsins í ár
Logi Gunnarsson 13
Helgi Már Magnússon 12
Jón Arnór Stefánsson 9
Hlynur Bæringsson 9
Sigurður Gunnar Þorsteinsson 9
Pavel Ermolinskij 7
Sigurður Þorvaldsson 6
Hörður Axel Vilhjálmsson 6
Haukur Helgi Pálsson 5
Axel Kárason 5