Í kvöld mun íslenska karlalandsliðið leika gegn landsliði Bretlands í undankeppni EuroBasket 2015 en leikurinn fer fram í Copper Box Arena í London.

Leikurinn er gríðarlega mikilvægur fyrir okkar lið en með sigri kemur liðið sér í mjög sterka stöðu um að komast á lokakeppnina á næsta ári og það í fyrsta sinn í sögu íslensk körfubolta.

Lokaleikurinn í riðlinum fer svo fram í Laugardalshöllinni þann 27. september þegar Bosnía kemur í heimsókn.

Liðið æfði í dag og mun æfa létt á morgun í hádeginu og svo hefst leikurinn kl. 18.35 að íslenskum tíma og verður hann í beinni útsendingu á RÚV íþróttir.

Áfram Ísland!