Jón Arnór Stefánsson heldur til London í dag og verður með íslenska landsliðinu á morgun gegn Bretum. Jón Arnór tók þessa ákvörðun í samráði við fjölskyldu sína þrátt fyrir að vera enn ekki búinn að semja við lið fyrir næsta vetur.

Íslenska liðið stendur vel að vígi í A-riðli undankeppni EuroBasket og því ákvað Jón að taka þátt í þessum leik og leggja sitt af mörkum til að reyna tryggja Íslandi þátttöku á sínu fyrsta stórmóti.

Ásamt Jóni Arnóri fer Helgi Magnússon einnig til London í dag og því mun Craig Pedersen ásamt þjálfarateymi vera með 14 leikmenn til að velja úr sitt 12 manna lið annað kvöld.

Leikur Bretlands hefst kl. 18.35 og verður í beinni útsendingu á íþróttarás RÚV.