Framundan eru tveir útileikir hjá íslenska karlalandsliðinu, fyrst þann 17. ágúst gegn Bosníu í körfuboltaborginni Tuzla og svo seinni leikurinn gegn Bretum, þann 20. ágúst í Copper Box Arena í London.

RÚV mun sýna beint frá báðum leikjum liðsins á íþróttarás sinni, RÚV íþróttir þannig að íslenskir aðdáendur geta fylgst strákunum í þessum tveim mikilvægu útileikjum.

Góð úrslit í báðum leikjunum gætu dugað til að fleyta Íslandi í fyrsta sinn í sögu íslensks körfuknattleiks í lokakeppni Evrópumótsins, EuroBasket, á næsta ári.

Leikirnir hefjast (að íslenskum tíma) kl. 18.00 í Bosníu og kl. 18.35 í Bretlandi.

Ísland leikur svo lokaleik sinn í keppninni hér heima þann 27. ágúst í Laugardalshöllinni gegn Bosníu og er miðasala í fullum gangi á www.midi.is.

ÁFRAM ÍSLAND!