Karlalandsliðið lagði Breta 83-70 í Laugardalshöll í kvöld í frábærum leik. Er þetta fyrsti leikur Íslands í undankeppninni fyrir EM 2015.

Fyrsta karfa kvöldsins var íslensk og eftir nokkrar mínútur var staðan orðin 20-4 fyrir Íslandi. Bretarnir náðu aðeins að rétta úr kútnum og staðan 22-10 eftir fyrsta.

Bretarnir náðu að vinna sig inn í leikinn í öðrum leikhluta og í hálfleik var jafnt 34-34.

Í þriðja leikhluta komust Bretarnir yfir á meðan íslenska liðið lenti í lægð. Í lok leikhlutans náði Ísland að komast yfir og leiddi með einu stigi 59-58.

Lokaleikhlutinn var eign Íslands frá upphafi og með frábærum leik keyrðu þeir upp muninn og Bretarnir gáfust upp. Lokastaðan 83-70.

Stigahæstur hjá Íslandi var Haukur Pálsson með 24 stig og Martin Hermannsson með 22 stig.

Tölfræði leiksins