Axel Kárason er eini leikmaður íslenska hópsins sem hefur ekki misst úr landsleik undanfarin þrjú ár en hann mun spila sinn 27. landsleik í röð á móti Bretum í Laugardalshöllinni á sunnudaginn.

Axel hefur ekki misst úr landsleik síðan að Peter Öqvist tók hann inn í hópinn sumarið 2012. Haukur Helgi Pálsson og Hlynur Bæringsson hafa leikið alla nema fjóra leiki en þeir voru ekki með á Smáþjóðaleikunum í fyrra.

Logi Gunnarsson missti einnig af Smáþjóðaleikunum 2013 sem og hann var veikur í einum Evrópuleiknum haustið 2012.

Hér fyrir neðan má sjá hvaða leikmenn hafa spilað flesta landsleiki frá og með árinu 2012. Brynjar Þór Björnsson er þar í öðru sæti en hann var eins og Axel búinn að spila alla leiki Íslands undanfarin tvö ár. Brynjar er ekki með landsliðinu í ár.

Flestir landsleikir frá 2012 til 2014:
Axel Kárason 26
Brynjar Þór Björnsson 24
Haukur Helgi Pálsson 22
Hlynur Bæringsson 22
Logi Gunnarsson 21
Pavel Ermolinskij 20
Jakob Örn Sigurðarson 19
Jón Arnór Stefánsson 17
Ægir Þór Steinarsson 15
Martin Hermannsson 15
Ragnar Nathanaelsson 15