Lokahóf KKÍ verður haldið í veislusölum Laugardalshallarinnar á föstudaginn kemur.
Miðaverð verður sama og í fyrra og verður 2.900 kr.

Húsið opnar 19.30 og dagskrá hefst kl. 20.00.

Boðið verður upp á smárréttarhlaðborð og verða allar drykkjarveitingar á góðu verði.

Hápunktur kvöldsins verður hin árlega verðlaunaafhending þar sem bestu leikmenn, þjálfarar og aðrir verða heiðraðir og úrvalslið ársins kynnt.

Veislustjóri og skemmtikraftur verður hinn magnaði Sólmundur Hólm körfuknattleiksáhugamaður og eftirherma með meiru.

Miðasala er hafin og hægt er að panta miða á skrifstofu KKÍ í síma 514-4100 eða á netfanginu kki@kki.is fyrir hópa og félög.