Í dag barst staðfesting á því að Leifur S. Garðarsson hefur staðist kröfur FIBA og er því orðinn FIBA dómari á nýjan leik.

Leifur hélt til Mannheim í Þýskalandi um páskana þar sem hann sat námskeið og þreytti próf og eins og fyrr segir barst niðurstaðan í dag. Leifur stóðst prófin og því eiga Íslendingar tvo virka FIBA dómara nú sem er mikilvægt þegar verið er að fjölga landsliðsverkefnum.

Leifur tók upphaflega prófið á Ítalíu 1993 en lagði alþjóðaflautuna á hilluna 2004 þegar hann tók sér frí frá dómgæslu.