Mikið var að gera í félagaskiptum um helgina, en á laugardagskvöld rann út frestur til að skipta um félag utan keppnistímabils. Alls voru skráð 88 félagaskipti fram til 1. september og enn eru nokkur í bið. Hægt er að sjá lista yfir skráð félagaskipti hér til vinstri á vefnum.

Fram til 5. janúar verður þó áfram hægt að skipta um félag í meistaraflokki karla og kvenna, en viðkomandi leikmaður fær þá leikheimild einum mánuði eftir að KKÍ móttekur beiðni um félagaskiptin. Frá 6. janúar eru félagaskipti í meistaraflokkum með öllu óheimil. Leikmenn yngri flokka geta skipt um félag fram til 28. febrúar.