Stærsti leikur ársins nálgast og er þetta leikurinn sem flesta leikmenn dreymir um að fá að taka þátt í. Nokkrir þeirra leikmanna sem taka þátt um helgina eru kunnugir fjölunum í Laugardalshöllinni.

Öll liðin í Höllinni um helgina hafa leikmenn innan sinna raða sem hafa reynslu af því að lyfta bikarnum. Siðan eins og gengur og gerist þá einnig einhverjir reynslu af því að hljóta silfurpening.

Snæfell
Hildur Sigurðardóttir varð bikarmeistari með KR árin 2001, 2002 og 2009. Samherji hennar Guðrún Gróa Þorsteinsdóttir varð einnig meistari með KR árið 2009. Alda Leif Jónsdóttir varð svo bikarmeistari með ÍS árið 2006 en Alda Leif hefur verið meidd á tímabilinu en er í leikmannahóp Snæfells.

Haukar
Í liði Hauka eru leikmenn sem hafa orðið bikarmeistar nokkrum sinnum en Haukar hafa unnið fimm titla alls í bikarsögu kvenna. Margrét Rósa Hálfdánadóttir varð bikarmeistari með Haukum árið 2010. Lele Hardy var í bikarliði Njarðvíkur 2012 sem vann þá sinn fyrsta bikarmeistaratitil í sögu kvennaliðsins. Bjarni Magnússon þjálfari Hauka varð bikarmeistari árið 2000 með Grindavík sem leikmaður og þá varð Íris Sverrisdóttir bikarmeistari með uppeldisfélagi sínu Grindavík 2008 þegar þær unnu núverandi lið hennar Hauka. Guðrún Ósk Ámundadóttir varð bikarmeistari með Haukum árið á undan 2007 með Haukum og einnig 2005. 2009 varð hún bikarmeistari með KR. Árið eftir 2010 var hún komin aftur í Hauka og varð bikarmeistari annað árið í röð.

Grindavík
Sverrir Þór Sverrisson vann 2003 og 2004 sem leikmaður Keflavíkur og sem þjálfari þegar hann stýrði liði Njarvíkur kvenna sem unnu árið 2012. Ómar Örn Sævarsson lék með ÍR 2007 og varð bikarmeistari það árið og því skemmtileg tilviljun að mótherjar hans í ár sé hans gamla félag. Þorleifur Ólafsson var í sigurliði Grindavíkur 2006 og Jóhann Árni Ólafsson varð bikarmeistari með Njarðvík 2005.

ÍR
Afmælisbarnið Sveinbjörn Claessen vonast til að framlengja gleðinni á laugardaginn og gefa sér veglega gjöf í tilefni 28 ára afmælisins. Sveinbjörn var í liði ÍR þegar þeir unnu árið 2007. Örvar Þór Kristjánsson þjálfari var í sigurliði Njarðvíkur sem leikmaður árið 1999. Matthías Orri Sigurðsson var í liði KR 2011 þegar þeir urðu bikarmeistarar.