Eftir góðan sigur á Finnum i gær fékk íslenska liðið skell á móti sterkum Svíum. Vörn Svía var strákunum erfið og skoruðu strákarnir aðeins 61 stig gegn 95. Þar með hefur Ísland unnið einn og tapað einum og sigur gegn Noregi á morgun tryggir Íslandi annað sætið sem yrði besti árangur Íslands á Polar Cup frá upphafi, en fyrst var leikið 1962. Það er því mikið undir i leiknum á morgun en annað sætið myndi undirstrika þær framfarir sem hafa átt sér stað í íslenskum körfuknattleik undanfarin ár.

Svíar byrjuðu leikinn af krafti og spiluðu mjög svo fasta maður á mann vörn sem var full föst oft á tíðum þar sem þeir fengu að halda mönnum. Fredrik Jonzen var íslenska liþinu erfiður og skoraði 16 af fyrstu 21 stigi Svía og réðu okkar strákar ekkert við kappann. Þessi sænski strákur er buinn að semja við lið í efstu deild á Ítalíu og sýndi mönnum hvers vegna. Staðan eftir fyrsta leikhluta var 24-17 og síðan 47-33 i hálfleik, og var það Loga Gunnarssyni að þakka að munurinn var ekki meiri i hálfleik en hann átti góða rispu í lok
fyrri hálfleiks.

Ísland náði að minnka muninn i 10 stig í byrjun seinni hálfleiks en lengra komst liðið ekki. Svíar héldu áfram að gera mönnum erfitt fyrir í sókninni og fór sóknarleikurinn mikið út i einstaklingsframtak. Svíar bættu við forskotið jafnt og þétt og endaði munurinn í 34 stigum.

Stig islands: Logi Gunnarsson 13 (4 fráköst), Helgi Magnússon 8 (11. mín, 3/10 fg), Fannar Ólafsson 7 (4 fráköst), Friðrik Stefánsson 7 (4 fráköst), Jón Arnór Stefánsson 7 (5 fráköst 3/12 fg), Herbert Arnarson 6 (2 stoðs., 3/5 fg), Páll Axel Vilbergsson 4 (6 fráköst, 10 mín.), Gunnar Einarsson 3 (1/7 fg), Brenton Birmingham 3 (4 fráköst, 3 stoðs., 3 stolnir), Baldur Ólafsson 2, Magnús Gunnarsson 1