Jón Arnór Stefánsson og Helena Sverrisdóttir hafa verið valin körfuknattleiksmaður og körfuknattleikskona ársins 2013 af KKÍ.

Þetta er í tíunda sinn sem Jón Arnór er valinn en Helena hefur nú alls níu sinnum verð valin og það níu sinnum í röð. Helena er 25 ára gömul og Jón Arnór 31 árs.

Körfuknattleikskona og maður ársins 2013 voru valin af stjórn, starfsmönnum, afreksnefnd og landsliðþjálfurum (yngri landsliða og A-landsliða) KKÍ.

Körfuknattleikskona ársins 2013:
1. sæti  Helena Sverrisdóttir
2. sæti  Pálína Gunnlaugsdóttir
3. sæti  Bryndís Guðmundsdóttir

Aðrar sem fengu atkvæði eru í stafrófsröð: Hildur Björg Kjartansdóttir, Hildur Sigurðardóttir, Kristrún Sigurjónsdóttir, Petrúnella Skúladóttir og Sara Rún Hinriksdóttir.

Körfuknattleiksmaður ársins 2013:
1. sæti  Jón Arnór Stefánsson
2. sæti  Hlynur Bæringsson
3. sæti  Hörður Axel Vilhjálmsson

Aðrir sem fengu atkvæði eru í stafrófsröð: Elvar Már Friðriksson, Haukur Helgi Pálsson, Jakob Örn Sigurðarson, Justin Shouse, Logi Gunnarsson og Ragnar Nathanaelsson.




Helena Sverrisdóttir, Good Angels Kosice, Slóvakíu og nú Aluinvent DVTK Miskolc, Ungverjalandi. Bakvörður/framherji

Fyrri hluti ársins 2013 – Seinni hluti keppnistímabilsins 2012-2013.
Helena varð meistari með sínu liði í Slóvakíu og lið hennar komst í Final Four í Meistaradeild Evrópu.

Sumarið 2013 – Þátttaka með íslenska landsliðinu á Smáþjóðaleikum í Luxemborg:
Landsliðið lék til úrslita við heimastúlkur en beið lægri hlut. Helena var valin í úrvalslið mótsins og var jafnframt efst í öllum helstu tölfræðiþáttum þess.

Seinni huti ársins 2013 – Fyrri hluti keppnistímabilsins í Ungverjalandi 2013-2014:
Helena gerði samning við lið í Ungverjalandi sem tekur þátt í sameiginlegri Mið-Evrópudeild ásamt því að taka þátt í Evrópukeppninni. Lið Helenu er sem stendur í 2. sæti í sínum riðli í Evrópukeppninni og á góða möguleika að komast áfram í næstu umferð en tvö efstu liðin fara beint. Helena átti m.a. frábæran leik í Evrópukeppninni 4. des. sl. en þá skoraði hún 16 stig og gaf 3 stoðsendingar ásamt því að hitta úr öllum þremur þriggja stiga skotum sínum.



Jón Arnór Stefánsson · CAI Zaragoza, Spáni. Bakvörður
Jón Arnór Stefánsson er á sínu þriðja ári með liði sínu Zaragoza í ACB-deildinni á Spáni og hefur verið lykilmaður liðsins á þeim tíma. Jón Arnór fór með liði sínu í Copa Del Rey sem er 8-liða úrslitakeppni bikarkeppninnar á Spáni. Það er mikill metnaður hjá spænskum félögum að vera á meðal 8 efstu liða í deildinni á ákveðnum tímapunkti sem ræður því hvort þú kemst í keppnina eða ekki.
Endaði tímabilið í 5. sæti og fékk lið númer 4 í 8-liða úrslitum. Þar kom Zaragoza á óvart og sló Valencia út. Í undanúrslitum lenti CAI Zaragoza á móti Spánarmeisturum Real Madrid og var slegið út.

Sumarið 2013 – Þátttaka með íslenska landsliðinu í undankeppni fyrir Eurobasket 2015:
Jón sýndi enn og aftur hversu góður leikmaður hann er með frammistöðu sinni með landsliðinu sem var hársbreidd frá því að komast í umspil um laust sæti á EM í Úkraínu 2015. Leikur gegn Búlgaríu hér heima fer í sögubækur og verður lengi í minnum hafðir þegar hann skoraði 32 stig og sýndi á hvaða stigi hann er sem leikmaður og íþróttamaður í heimsklassa.

Seinni huti ársins 2013 – Fyrri hluti keppnistímabilsins 2013-2014:
Gerður að fyrirliða CAI Zaragoza sem er mikill heiður og enn einn vitnisburðurinn hversu góður hann er og hvaða virðingu hann hefur í næst sterkustu deild í heimi í einni stærstu og vinsælustu íþrótt heims. Jón Arnór hefur mest skorað 28 stig í leik í vetur en það gerði hann í lok október sl. og var hann með um 80% skotnýtingu. Hann var einnig valinn í lið vikunnar í ACB deildinni eftir þennan leik.
Er með liði sínu sem stendur í 6.-7. sæti spænsku deildarinnar. CAI Zaragoza er í Evrópubikarkeppninni í fyrsta sinn í sögu félagsins sem er vegna góðs árangurs á síðasta tímabili. Liðið er sem stendur í 3. sæti síns riðils og á góða möguleika að komast áfram upp úr riðlakeppninni.


Körfuboltafólk ársins frá árinu 1998:
1998: Helgi Jónas Guðfinnsson og Anna María Sveinsdóttir
1999: Herbert Arnarson og Guðbjörg Norðfjörð
2000: Ólafur Jón Ormsson og Erla Þorsteinsdóttir
2001: Logi Gunnarsson og Kristín Björk Jónsdóttir
2002: Jón Arnór Stefánsson og Birna Valgarðsdóttir
2003: Jón Arnór Stefánsson og Signý Hermannsdóttir
2004: Jón Arnór Stefánsson og Birna Valgarðsdóttir
2005: Jón Arnór Stefánsson og Helena Sverrisdóttir
2006: Brenton Birmingham og Helena Sverrisdóttir
2007: Jón Arnór Stefánsson og Helena Sverrisdóttir
2008: Jón Arnór Stefánsson og Helena Sverrisdóttir
2009: Jón Arnór Stefánsson og Helena Sverrisdóttir
2010: Jón Arnór Stefánsson og Helena Sverrisdóttir
2011: Jakob Örn Sigurðarson og Helena Sverrisdóttir
2012: Jón Arnór Stefánsson og Helena Sverrisdóttir

Oftast valin Körfuboltamaður ársins:*
10 Jón Arnór Stefánsson (2002, 2003, 2004, 2005, 2007, 2008, 2009, 2010, 2012, 2013)
9 Helena Sverrisdóttir ( 2005, 2006, 2007, 2008, 2009, 2010, 2011, 2012, 2013)
4 Jón Kr. Gíslason (1987, 1989, 1992, 1993)
3 Kristinn Jörundsson (1973, 1975, 1977)
2 Jón Sigurðsson (1976, 1978)
2 Valur Ingimundarson (1984, 1988)
2 Guðmundur Bragason (1991, 1996)
2 Anna María Sveinsdóttir (1994, 1998)
2 Birna Valgarðsdóttir (2002, 2004)
1 Jakob Örn Sigurðarson (2011)

* Valið hefur verið tvískipt síðan 1998 en frá 1973 til og með 1997 var aðeins valin einn aðili, karl eða kona, en síðan þá hafa verið valin Körfuknattleiksmaður og Körfuknattleikskona ársins.