KKÍ auglýsir eftir þjálfurum á eftirfarandi yngri landslið sambandsins fyrir verkefni ársins 2014:

U15 ára stúlkna – árgangur 1999
U16 ára stúlkna – árgangur 1998
U16 ára drengja – árgangur 1998
U18 ára stúlkna – árgangur 1996

Ef ákvörðun verður tekin á seinni stigum að senda U20 ára landslið kvenna og karla í Evrópukeppni verður auglýst sérstaklega eftir umsóknum fyrir þau lið þegar það liggur fyrir.

Jafnframt auglýsir KKÍ eftir áhugasömum aðilum sem vilja koma að starfinu sem aðstoðarþjálfarar á yngri landsliðin.

Verkefni yngri landsliðanna vorið/sumarið 2014:
- Copenhagen Invitational (U-15 strákar og stelpur)
- Norðurlandamót (U-16 og U-18 strákar og stelpur)

Evrópukeppni yngri landsliða 2014:
- U16, U18 og U20 ára landslið karla og kvenna.
- Stefna KKÍ er ávallt að fara með öll lið í Evrópukeppni en ákvörðun um hvaða lið verða send verður tekin fyrir um miðjan nóvember. Þátttaka í Evrópukeppni er háð fjárhagsstöðu sambandsins á hverjum tíma.

Ráðningartímabilið er frá 15. nóvember 2013 fram yfir þau verkefni sem farið verður í sumarið 2014.

Upplýsingar fyrir þjálfara til að hafa í huga:
· Skipulagning á verkefninu er í samráði við afreksnefnd KKÍ og starfsmenn KKÍ.
· Afreksnefnd hefur á undanförnu ári unnið að því að endurskipuleggja starfsemi á afreks- og landsliðsstarfi KKÍ. Verið er að leggja lokahönd á handbók fyrir alla sem að starfinu koma, sem unnið verður eftir með þeim þjálfurum sem verða ráðnir nú til starfa.
· Þjálfari skilar inn ítarlegri skýrslu um verkefnið að því loknu.
· Þjálfari situr opinn fund með fulltrúum KKÍ að loknum verkefnum árið 2014 þar sem öllum áhugasömum gefst kostur á að mæta.

Ferilskrá skal fylgja með umsókninni ásamt eftirfarandi upplýsingum:
- Almennur bakgrunnur, menntun, störf ofl.
- Bakgrunnur í þjálfun ásamt menntun og reynslu í þjálfun.
- Ef umsækjendur vilja sækja um einhvern tiltekinn árgang eða kyn skal fylgja með beiðni um hvaða lið þú vilt þjálfa og hvers vegna það lið.

Senda skal umsóknir inn í síðasta lagi þriðjudaginn 29. október á netfangið kki@kki.is.

Fyllsta trúnaðar verður gætt varðandi umsóknir um starf hjá KKÍ.