Rétt í þessu var lokaleik íslenska hópsins að klárast en U18-drengir lögðu Dani örugglega í lokaleiknum 78:53. Leikurinn var allan tímann í höndum okkar manna sem stýrðu honum og stjórnuðu ferðinni. Eitt tap á mótinu staðreynd sem kom í hörku leik gegn Finnlandi. Frábær barátta í liðinu og allir leikmenn liðsins stóðu sig frábærlega.

Fjórir leikmenn í úrvalsliðum
Ísland átti fjóra leikmenn í úrvalsliðum á Norðurlandamótinu þetta árið. Tvo leikmenn í U16 ára flokki karla, einn í U18 ára flokki kvenna og einn í U18 ára flokki karla. Kári Jónsson, Haukar, og Kristinn Pálsson, UMFN, voru valdir í úrvalslið U16 ára karla.

Ingunn Embla Kristínardóttir, Keflavík, var valin í úrvalslið U18 ára kvenna og þá var Dagur Kár Jónsson, Stjarnan, valinn í úrvalslið U18 ára karla.

Tölfræði leiksins

Myndasafn úr leiknum

Lokastaðan:
1. Finnland 4-1
2. Ísland 4-1
3. Danmörk 2-3
4. Eistland 2-3
5. Svíþjóð 2-3
6. Noregur 1-4