U16-drengir léku gegn Dönum um sigur á NM2013 þar sem bæði lið voru taplaus fyrir leikinn.

Danir hafa á nokkrum hávöxnum leikmönnum að skipa og reyndust þeir okkur erfiðir á köflum. Danir byrjðu mjög ákveðið og settu 31 stig gegn íslensku vörninni gegn 16 stigum frá okkur í fyrsta leikhluta.

Í 2. leikhluta jafnaðist leikurinn, leikhlutinn fór 18:17 fyrir Dani og munurinn í hálfleik því 16 stig, 33:49.

Stigahæstir í hálfleik: Ragnar Friðriks 9 stig, Kristinn 8 stig, Halldór 7 stig, Kári 6 stig.



Í seinni hálfleik tóku Danir góðan sprett þar sem þeir náðu muninum upp í 27 stig og á brattann að sækja hjá okkar strákum. Danir spila góða vörn og verjast vel í kringum körfuna með stóra stráka í miðjunni.

Í 4. leikhluta gekk lítið upp hjá okkar strákum. Liðið var að hitta illa í sókninni á meðan Danir nýttu sín færi mjög vel. Þær körfur sem Ísland skoraði var jafnharðan svarað af danska liðinu og þeir vinna sannfærandi sigur í dag, 69:88.

Danir eru því norðurlandameistarar í U16-drengja 2013. Ísland hafnaði í 2. sæti og hlaut silfur.

Stigahæstir í íslenska liðinu:
Kári Jónsson 24 stig, Kristinn Pálsson 11 stig og 8 fráköst, Halldór Hermannsson 10 stig, Ragnar Friðriksson 9 stig.

Tölfræði leiksins

Myndasafn úr leiknum

Lokastaðan:
1. Danmörk 5-0
2. Ísland 4-1
3. Finnland 3-2
4. Svíþjóð 2-3
5. Eistland 1-4
6. Noregur 0-5