Good Angels Kosice töpuðu fyrr í dag undanúrslitaleik sínum gegn Fenerbache og leika því um bronsið í ár. Leikurinn í dag fór 68:56. Kosice vann fyrstu tvo leikhlutana en í stöðunni 43:43 skoruðu þær tyrknesku 21 stig gegn 5 frá Good Angels og það skildi liðin að í lokin.

Helena skoraði 5 stig og tók 3 fráköst í dag en á sunnudaginn leikur hún og liðsfélagar hennar gegn Bourges Basket um bronsið og Ekaterinburg og Fenerbache leika til úrslita.

Með Borges Basket leikur til dæmis hin franska Céline Dumerc sem var valinn besti leikmaður Evrópu af FIBA Europe á dögunum fyrir árið 2012.