Helena Sverrisdóttir og liðsfélagar í Good Angles Kosice unnu sinn fyrsta leik í átta liða úrslitum EuroLeague sem fram fer í Rússlandi í kvöld þegar þær lögðu Galatasary 65:71.

Þetta var fyrsti sigur Englanna í sögu félagasins í átta liða úrslitum keppninnar og þetta var jafnframt níundi siguri liðsins í síðustu 10 leikjum keppninnar.

Frábær byrjun liðsins lagði grunninn að sigrinum en þær komust í 24-10 í fyrsta leikhluta og svo í 39-12 í öðrum leikhluta. Helena lék í 12 mínútur og skoraði 2 stig.

Næsti leikur liðsins verður erfiður en þá mæta þær líklega besta kvenna félagasliði heims, UMMC Ekaterinburg, en leikið er á heimavelli þeirra í keppninni.

Um er að ræða riðlakeppni og fara efstu tvö liðin (af fjórum) áfram í undanúrslitin. Þriðji mótherji Helenu og félaga er pólska liðið CCC Polkowice sem þær leika gegn á miðvikudaginn. Úrslitin fara svo fram um helgina þannig að með áframhaldandi góðu gengi er allt mögulegt hjá Helenu og Good Angels Kosice.

Nánar er hægt að lesa um dagskránna og keppnina á vef FibaEurope.com.