Helena Sverrisdóttir og liðsfélagar hennar í Good Angels Kosice tryggðu sér sæti í lokaumferð EurloLeague kvenna eða „Final-8" í ár á föstudaginn var. Þá lögðu þær lið Parfumerias Avenida frá Spáni tvisvar og munu því leika á lokamótinu í sem fram fer í Ekaterinburg í Rússlandi eftir rúmar tvær vikur, dagana 18.-24. mars.

Good Angels drógst í riðil með heimastúlkum í UMMC Ekaterinburg, Galatasary frá Tyrklandi og CCC Polkwoice frá Póllandi. Öll þessi lið eru gríðarlega sterk

Sem dæmi hafa mótherjar Helenu í öðrum leik riðilsins unnið rússnesku deildina fjögur ár í röð og rússnesku bikarkeppnina fimm ár í röð. Með liðinu leika sem dæmi leikmenn eins og Diana Taurasi og Sue Bird frá Bandaríkjunum, hin 2.03 cm. háa Maria Stepanova frá Rússlandi og hin franska Sandrine Gruda sem var valinn besti leikmaður Evrópu 2009. Allar hafa þær leikið með liðum í WNBA og unnið til verðlauna með landsliðum sínum á lokamótum

Leikjadagskrá Good Angels Kosice:
18.03 gegn Galatasaray
19.03 gegn UMMC Ekaterinburg
20.03 gegn CCC Polkowice

Úrslit fara fram 22. og 24. mars.