Eistar reyndust of erfiður andstæðingur í kvöld og höfðu öruggan sigur 67-86.

Gestirnir náðu forystunni strax í upphafi og náðu íslensku strákarnir aldrei að komast inn í leikinn.

Strákarnir hafa oft spilað betur og ætla sér stærri hluti í þeim fimm leikjum sem eftir eru í keppninni.

Jón Arnór Stefánsson var stigahæstur með 19 stig, 3 fráköst og 3 stoðsendingar.
Helgi Magnússon skoraði 16 stig, tók 4 fráköst og gaf 2 stoðsendingar.
Hlynur Bæringsson 11 stig, 8 fráköst, 2 stoðsendingar og 6 stolna bolta.
Haukur Helgi Pálsson 6 stig, 5 fráköst.
Jakob Sigurðarson 4 stig, 3 stoðsendingar.
Brynjar Þór Björnsson 3 stig.
Pavel Ermolinskij 3 stig, 6 fráköst.
Ægir Þór Steinarsson 3 stig.
Sigurður Þorsteinsson 2 stig, 2 fráköst.

Næsti leikur strákanna er á útivelli gegn Serbum á fimmtudag, en sá leikur verður sýndur beint á aukarás RÚV.