Framundan er sá tími þegar umsóknir um leikheimildir erlendara leikmanna fyrir komandi tímabil fara að berast skrifstofu KKÍ.

KKÍ og UTL hafa undanfarin ár unnið saman við að hafa þessi mál í föstu ferli til hagræðingar fyrir alla aðila.

1) Breytingar hjá UTL:
Hjá UTL hefur orðið ein breyting frá því í fyrra. Nú þarf að skila FBI-vottorði fyrir leikmenn með bandarískt vegabréf í frumriti ásamt öllum öðrum hefðbundum umsóknargögnum líkt og áður þegar umsókn um atvinnu- og dvalarleyfi er skilað inn til UTL. Áður var nóg að skila inn kvittun eða staðfestingu á að vottorðið hafi verið pantað ytra hjá FBI, og sú kvittun lögð inn með umsókn. Það var gert þar sem langan tíma gat tekið að fá það útgefið.

Til að leysa þann biðtíma sem FBI gefur upp hefur UTL bent á að notast veitur (e. channels) sem eru umboðsaðilar FBI sem hafa leyfi til að gefa út sakavottorð. Þessar veitur gefa út vottorð á nokkrum dögum og því geta leikmenn notast við þær og sent vottorð með hraðpósti hingað heim, ásamt hinum umsóknargögnunum, til að félög geti skilað þeim í frumriti inn til UTL. Hér fyrir neðan er að finna nánari upplýsingar um þessar veitur.

2) Breytingar hjá á reglugerðum KKÍ:
Tvær breytingar hafa átt sér stað. Annarsvegar er það reglur um félagaskiptagluggann og hvenær heimilt er að veita félagaskipti sem hægt er að lesa nánar um í Reglugerð um félagaskipti í 3. grein.

Hinsvegar er það breyting á reglum við að veita leikheimildir, en þær verða ekki gefnar út nema með staðfestingu frá UTL um að umsókn sé samþykkt hjá þeim.

Að lokum bendir KKÍ öllum félögum á að óska eftir beiðnum um leikheimildir hjá KKÍ erlendis frá tímanlega. Það er ef búið er að semja við leikmann að láta skrifstofu KKÍ vita, ef það á við, hvar hann lék síðast, svo vinna við að útvega LOC (Letter Of Clearance) frá því landi geti hafist. Sú vinna má fara fram á meðan aðrir pappírar og umsóknir eru í vinnslu.

FBI-vottorð í gegnum veitur:
Tala þarf beint við eina af þessum veitum sem uppgefnar eru hér í lista og fá upplýsingar um umsóknarferlið. Í texta á síðu FBI um þessi mál segir:
"An individual requesting their FBI Identification Record or proof that a record does not exist through FBI-approved Channelers should contact the Channeler directly for complete information and instructions."


Lista yfir þessar veitur/channels er að finna hér.