Í dag er komið að stórleik hjá íslenska landsliði karla þegar strákarnir mæta ólympíuliði Litháa í Siemens-höllinni í Vilinius. Leikurinn hefst kl. 16.00 að íslenskum tíma og er búist við um 8.000-9.000 manns á völlinn.

Bæði lið eru að undirbúa sig fyrir komandi átök, Litháen leikur á ólympíuleikunum í London sem hefst í lok mánaðarins og íslenska landsliðið leikur í Evrópukeppninni sem fram fer dagana 14. ágúst - 11. september, þar sem leikið er heima og að heiman.

Leikurinn í kvöld verður í einhverskonar lifandi tölfræði á vefsíðunni www.basketnews.lt og án ábyrgðar gæti verið að leikurinn væri aðgengilegur fyrir íslendinga í beinni á netinu á http://www.sport24.lt og http://www.sportlive.lt en leikurinn er sýndur í beinni útsendingu í sjónvarpi í Litháen.

ATH: hérna er leikurinn á netinu http://liveboxtv.com. og einnig hérna.

Myndir af strákunum úr ferðinni má sjá á Facebook-síðu KKÍ.

Áfram Ísland!