Undankeppni ÓL2012 heldur áfram og í gær voru fjórir leikir á dagskránni. Hægt er að sjá úrslit leikjanna hérna.

Everet Bartlett leikmaður landsliðs Nýja Sjálands, lék hér á Íslandi 2007-2008, en hann lék með Hetti á Egilsstöðum og stóð sig vel. Hér er hægt að sjá sýnishorn úr leiknum í gær.

Everet leikur í treyju nr. 5 með landsliðinu og var í leiknum í gær gegn Makedóníu næst stigahæstur í sínu liði með 9 stig og 4 stoðsendingar Hjá Makedóníu var hinn frábæri Bo McCallebb með 23 stig og 11 stoðsendingar, en hann var í úrvalsliði EM í Litháen, en þar er á ferðinni gríðarlega snöggur bakvörður sem gaman er að fylgjast með.

Leikir dagsins í Venesúela eru:
Nýja Sjáland - Angóla
Dómíníska Lýðveldið - Rússland
Litháen - Nígería
Púertó Ríkó - Grikkland