Í dag lauk undankeppninni fyrir Ólympíuleikanna í London hjá kvennalandsliðunum en leikið var í Tyrklandi.

Þau fimm lið sem tryggðu sér sæti á þessu lokamóti voru Kanada, Króatía, Tékkland, Frakkland og Tyrkland. Þar með er ljóst
hvaða 12 lið leika á ÓL2012 í London hjá konunum.

Riðill A: Tékkland, Angóla, Bandaríkin, Króatía, Tyrkland og Kína.
Riðill B: Rússland, Frakkland, Ástralía, Bretland, Brasilía og Kanada.

Karlarnir hefja leik á morgun
Lokakeppni karla hefst á morgun 2. júlí og hægt er að lesa um keppnina og fyrirkomulagið hérna en hægt verður að fylgjast með mótinu á vefsíðu FIBA.com.

Á mótinu leika 12 landslið um þrjú laus sæti á leiknunum. Um er að ræða þau lönd sem urðu í sætum 3-6 á sínum heimsálfukeppnum. Sem dæmi lentu Rússar í þriðja sæti, en Spánn og Frakkland sem léku til úrslita, fara beint áfram.

Keppni á ÓL2012 í körfubolta fer fram dagana 28.júlí til 12. ágúst. Tveim dögum seinna hefst svo veislan hér heima þegar Serbía mætir til landsins og Ísland hefur leik í undankeppninni fyrir EM2013 í Slóveníu.