Í dag er komið að stóru stundinni en seinnipartinn hefst Norðurlandamót yngri landsliða 2012 sem fram fer að venju í Solna, í Stokkhólmi. Allir leikir mótsins verða í benni tölfræðilýsingu á www.kki.is í gegnum BasketHotel.

U18 ára liðin fóru út á þriðjudaginn og þessa stundina eru U16 ára liðin á leiðinni.

Það eru svo U18 kvenna sem hefja leikinn í dag ásamt U18 ára liði í kvöld. Stelpurnar leika gegn liði Finnlands og strákarnir hefja leik gegn liði Danmerkur.

eikir dagsins: (ísl. tími)
kl. 15.00 · Ísland - Finnland · U18 kvenna
kl. 19.00 · Ísland - Danmörk · U18 karla

Í Solna er Stefán Þór frá KKÍ ásamt Jóni Birni og Tomaszi frá Karfan.is. Þeir munu sinna fréttaflutningi frá mótinu að venju í gegnum kki.is og karfan.is, þar sem verður að finna stutt viðtöl, myndasöfn og fréttir frá öllu því helsta, um leið og það gerist.

Punktar
· Leikjahæsti leikmaður strákanna er Macieij Baginski með 27 landsleiki og hjá stelpunum eru þær Lovísa Björt Henningsdóttir og Ingun Embla Kristínardóttir með 14 leiki hvor.
· Níu leikmenn eru að leika sínu fyrstu landsleiki á þessu móti í ár fyrir Íslands hönd.
· U18 ára lið karla er að mestu skipað þeim leikmönnum sem urðu NM meistarar U16 ára fyrir tveim árum.
· Aðstoðarþjálfarar liðanna í ár eru margir í sínum fyrstu verkefnum í landsliðsstarfi KKÍ. Finnur Jónsson, Skallagrím er nýliði ásamt Hjalta Þór Vilhjálmssyni, Fjölni.
· Arnar Guðjónsson er nýliði hjá KKÍ, en hann hefur verið áður NM í Solna, en þá í þjálfarateymi Danmerkur.
· Henning Henningsson er hokinn af reynslu, var landsliðsþjálfari A-liðs kvenna í síðustu Evrópukeppni sem Ísland tók þátt í árið 2009 og fór með liðið á Smáþjóðaleika að auki.
· Sjúkraþjálfarar íslensku liðanna, Jófríður Halldórsdóttir og Gunnlaugur Briem, eru reyndir sem leikmenn og hafa bæði farið áður á NM sem sjúkraþjálfarar.

Áfram Ísland!