Í kvöld er komið að lokaumferð 1. deildar karla á þessu tímabili. Deildin hefur verið mjög jöfn í ár. KFÍ tryggði sér þó sannfærandi sigur í deildinni og sæti í efstu deild á að ári eftir árs fjarveru en baráttan um næstu fjögur sæti sem gefa pláss í úrslitakeppni deildarinnar hefur verið gríðarlega jöfn og ræðst ekki fyrr en að leikjum loknum í kvöld.

Staðan í deildinni fyrir lokaumferðina:
1. KFÍ - búnir að sigra 1. deildina með 32 stigum
--------
2. Skallagrímur · 24 stig
3. Höttur · 22 stig
4. Hamar · 22 stig
5. ÍA · 16 stig
6. Breiðablik · 16 stig


Baráttan um 5. sætið sem gefur síðasta sæti í úrslitakeppninni
Staðan er sú að ÍA á útileik gegn Ármanni. Á sama tíma eigast við Höttur og Breiðablik á Egilsstöðum. ÍA þarf að vinna sinn leik eða að treysta á að Breiðablik tapi sínum. Þá fara þeir í úrslit. Breiðablik þarf á móti að vinna sinn leik og treysta á að ÍA tapi sínum leik til að fara upp fyrir ÍA. Þar vegur þungt 28 stiga sigur ÍA gegn Blikum í síðari leik þessara liða þar sem ÍA tók innbyrðisviðureignir liðanna.

Þór Akureyri gæti jafnað liðin að stigum með sigri ef ÍA og Breiðablik tapa en standa verst innbyrðis milli þessara þriggja og því ekki lengur möguleika á að fara í úrslit.

Baráttan um heimavallarréttinn
Skallagrímur, Höttur og Hamar gætu endað jöfn að stigum eftir leiki kvöldsins. KFÍ leika gegn Skallagrím, Höttur leikur gegn Breiðablik og Hamar leikur við ÍG. Ef það gerist að Skallagrímur tapar og Hamar og Höttur vinna sína leiki verða þau öll með 24 stig.

Þá mun Höttur lenda í 2. sæti (með 3 sigra í innbyrðisdeild þessara þriggja liða), Skallagrímur í 3. sæti með tvo sigra og Hamar í því fjórða með 1 sigur.

Fyrir lokaumferðina er ljóst að nýliðar ÍG eru fallnir sem og lið Ármanns og ættu þau tvö að öllu óbreyttu að leika í 2. deild að ári.

Beint á netinu: KFÍ-TV
KFí ætlar að fylgjast með í beinni á KFÍ-TV á netinu og verða einnig í sambandi við hin liðin og færa fréttir í beinni. Að auki verður LIVE-stattið í gangi á kki.is þannig að enginn ætti að missa af fjörinu.

Beint á netinu: KFÍTV

KFÍ menn fá afhendan deildarmeistarabikar og verðlaun að leik loknum en Hannes S. Jónsson, formaður KKÍ, verður á Ísafirði og afhendir þau í leikslok.