Jón Arnór Steánsson KR og Alda Leif Jónsdóttir voru valin bestu leikmenn Epson-deildar og 1. deildar kvenna á lokahófi KKÍ í kvöld. Félagi Helga og jafnaldri úr KR, Helgi Már Magnússon, var valinn besti nýliði Epson-deildarinnar, en þann titil hreppti Jón Arnór í fyrra. Sara Pálmadóttir úr KFÍ var valinn besti nýliði 1. deildar kvenna.

Auk Jóns Arnórs voru Pálmi Freyr Sigurgeirsson Breiðabliki, Óðinn Ásgeirsson Þór Ak., Hlynur Bæringsson Skallagrími og Friðrik Stefánsson UMFN valdir í úrvalslið Epson-deildar.

Í úrvalslið 1. deildar kvenna komust 6 leikmenn að þessu sinni. Auk Öldu Leifar voru þær Hildur Sigurðardóttir og Helga Þorvaldsdóttir úr KR valdar í liðið. Svo og Lovísa Guðmundsdóttir ÍS og Keflvíkingarnir Birna Valgarðsdóttir og Erla Þorsteinsdóttir.

Eggert Garðarsson Breiðabliki var valinn besti þjálfari Epson-deildar og Anna María Sveinsdóttir Keflavík í 1. deild kvenna, en þau voru bæði að þjálffa í fyrsta sinn í efstu deild í vetur.

Besti erlendu leikmennirnir voru valin þau Damon Johnson Keflavík og Jessica Gaspar UMFG.

Þá var Leifur S. Garðarsson valinn besti dómarinn og Eggert Þór Aðalsteinsson var valinn sá efnilegasti.

Ýmsar aðrar viðurkenningar og verðlaun voru veitt á hófinu í kvöld svo sem fyrir tölfræði vetrarins, fjölmiðlabikarinn viðurkenning til besta körfboltavefjarins og og fl. Nánar verður skýrt frá því síðar.

Þessa stundina stendur yfir þrumuball á Broadway þar sem hljómsveitin "Á móti sól" leikur fyrir dansi.