Lokahóf KKÍ verður haldið á Broadway í kvöld, síðasta vetrardag.
Miðasala er á Broadway og kostar 4.200 krónur í matinn. Verð á ballið verður 1.200 krónur.

Húsið opnar kl. 19.00 og borðhald hefst kl. 20.00. Eftir matinn og skemmtiatriðin verður hin hefðbundna verðlaunaafhending þar sem einstaklingsverðlaun vetrarins verða veitt og í ljós kemur hvaða leikmenn, dómarar og þjálfarar sköruðu frammúr að mati leikmanna deildarinnar.

Það verður svo hljómsveitin Á móti sól sem heldur uppi brjáluðu fjöri fram eftir nóttu.

Ástæða er til að hvetja alla þá sem tengjast körfubolta á einhvern hátt til að mæta á lokahófið, sýna sig og sjá aðra og slútta vetrinum með stæl.