Sigmundur Már Herbertsson dæmir í dag, þriðjudaginn 28. febrúar, leik í EuroCup karla.

Leikurinn fer fram í Ungverjalandi og verður væntanlega hörkuviðureign heimamanna í Szolnoki Olaj gegn Telekom Basket frá Þýskalandi.

Um er að ræða lokaumferðina í riðlinum og staðan er hnífjöfn. Það lið sem vinnur þennan leik í kvöld kemst áfram í keppninni.

Meðdómarar Sigmundar koma frá Grikklandi og Króatíu og eftirlitsmaðurinn er frá Tyrklandi.

Staðan í riðlinum:
1. ELAN CHALON 3/2 · 8 stig
2. TELEKOM BASKETS BONN 3/2 · 8 stig
3. SZOLNOKI OLAJ KK 2/3 · 7 stig
4. GENERALI OKAPI AALSTAR 2/3 stig · 7 stig

Í beinni á netinu
FIBATV sýnir beint í opinni dagskrá leik úr K-riðli milli Besiktas frá Tyrklandi (4-1) og Fuenlabrada frá Spáni (5-0) í baráttunni um fyrsta sæti riðilsins. Leikurinn hefst kl. 18.00 að íslenskum tíma.