Dirk Nowitzki er leikmaður ársins í Evrópu.

FIBA Europe var að tilkynna að hinn þýski Dirk hafi verið valin „Besti leikmaður ársins“ í Evrópu árið 2011.

Dómnefnd valdi hann í fyrsta sæti og almenningur setti hann í fjórða sæti. Samanlagt dugði það honum til að hreppa verðlaunin að þessu sinni. Juan Carolos Navarro frá Spáni varð í öðru sæti samanlagt og Bo McCalleb, frá Makedóníu, hafnaði í þriðja sæti.

Þetta er í annað sinn sem Dirk Nowitzki hlýtur þennan heiður en það var árið 2005 þegar verðlaunin voru fyrst afhend. Dirk var einnig kosinn íþróttamaður Þýskalands í desember síðastliðinum.

Hápunktur ársins hjá Dirk var án efa þann 12. júní sl. þegar hann leiddi lið sitt Dallas Mavericks til sigurs í fjórða leiknum um NBA-titilinn gegn liði Miami Heat þar sem hann var einnig útnefndur leikmaður úrslitakeppninnar.

Dirk skoraði 27.7 stig, tók 8.2 fráköst og gaf 2.5 stoðsendingar í úrslitakeppninni.

Dirk, sem er 2.13 m. framherji lék einnig með landsliði Þýskalands á nýliðnu Evrópumóti í Litháen þar sem þýska liðið hafnaði í 9. sæti. Áður hefur hann unnið silfur á EM2006 og brons á HM2002. Dirk hefur leikið sex sinnum á EM og er í öðru sætir yfir þá leikmenn sem hafa skorað flest stig, á eftir Nikos Galis frá Grikklandi.

Ólafur Rafnsson, forseti FIBA Europe sagði um Dirk að hann væri „ekki bara frábær íþróttamaður og heimsklassa körfuknattleiksmaður heldur væri hann líka frábær persóna, heiðarlegur, duglegur og tryggur". Í hans augum væri hann frábær fyrirmynd fyrir unga leikmenn.