Alba Torrens frá Spáni og núverandi leikmaður Glatasaray, er „Besti leikmaður ársins“ 2011 hjá konunum.

Í kjörinu í ár fékk hún fleiri atkvæði frá almenningi en næstu þrjár til samans. Dómnefnd valdi Mariu Stepanovu frá Rússalandi í fyrsta sæti og Alba lenti í öðru sæti, en samanlagt vægi skilaði henni fyrsta sætinu að þessu sinni.

Alba sem er 22 ára, fagnaði sigrum með liði sínu Perfumerias Avenida frá Spáni, bæði í Euroleague og heimafyrir í spænsku deildinni á síðasta ári þar sem Alba lék stórt hlutverk. Í úrslitum Euroleague var hún kjörin besti leikmaður „Final-Four“ lokahlutans og hún lék með landsliði sínu á EM í sumar.

Alba varð fyrir meiðslum snemma á þessu tímabili og mun líklega missa af því sem eftir lifir, en ætti að geta glaðst yfir þessari viðurkenningu á meðan hún jafnar sig.