Í dag sunnudag verður dregið hjá FIBA Europe í riðla fyrir komandi Evrópukeppni landsliða í körfuknattleik.

Það verður því spennandi að sjá að drættinum loknum með hvaða þjóðum landsliðin okkar munu leika í evrópukeppnum sumarsins og haustsins, en A-landsliðið mun keppa um að komast á EM í Slóveníu 2013.

Ísland mun leika í riðli með fimm öðrum þjóðum, einni úr hverjum styrkleikaflokk. Leikið verður heima og að heiman dagana 15. ágúst til 11. september.

Dregið verður í beinni útsendingu á vef www.fibaeurope.com á sunnudaginn kl. 09.45 að íslenskum tíma og verður byrjað að draga í keppni yngri landsliða þar sem við eigum fulltrúa í U16-keppni kvenna og U18-drengja áður en dregið verður í riðla A-landsliðanna.

Styrkleikariðlarnir eru eftirfarandi:
Stykleikaflokkur I: Serbía, Tyrkland, Þýskaland, Finnland, Georgía, Króatía.
Stykleikaflokkur II: Úkraína, Búlgaría, Pólland, Bosnía, Ísrael, Ítalía.
Stykleikaflokkur III: Svartfjallaland, Lettland, Belgía, Portúgal, Holland, Svíþjóð.
Stykleikaflokkur IV: Tékkland, Eistland, Holland, Sviss, Austurríki, Aserbaídsjan.
Stykleikaflokkur V: Hvíta Rússland, Slóvakía, Rúmenía, Albanía, Lúxemborg, Kýpur.
Stykleikaflokkur VI: Ísland.