KR vann þriðja leik lokaúrslita kvenna í kvöld og kom þar með í veg fyrir að Stúdinur lyftu Íslandsbikarnum en ÍS hafði unnið tvo fyrstu leikina. KR vann þriðja leikinn, 51-54, á heimavelli ÍS í Kennaraháskólanum og er staðan því 2-1 fyrir ÍS en þrjá sigurleiki þarf til að vinna titilinn. KR leiddi leikinn allan tímann og hafði 11 stiga forustu í hálfleik, 23-34. Næsti leikur er á miðvikudaginn í Íþróttahúsi KR og hefst klukkan 20:00.

Atkvæðamestar hjá ÍS:
Alda Leif Jónsdóttir 17 stig, 7 fráköst, 5 stoðsendingar, 5 varin
Hafdís Helgadóttir 10 stig, 6 fráköst, 3 varin
Lovísa Guðmundsdóttir 9 stig, 16 fráköst
Meadow Overstreet 9 stig, hitti úr 2 af 15 skotum

Atkvæðamestar hjá KR:
Hildur Sigurðardóttir 13 stig, 11 fráköst, 3 stoðsendingar
Helga Þorvaldsdóttir 11 stig, 7 fráköst, 6 stoðsendingar, 4 stolnir
Kristín Björk Jónsdóttir 8 stig, 3 stolnir
Guðbjörg Norðfjörð 8 stig, 6 fráksöt, 4 stoðsendingar