© 2000-2021 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
5.9.2011 | 14:00 | Kristinn | KKÍ, Landslið
Íslenska A-landslið karla til Kína
Í fyrramálið heldur íslenska landsliðið til Kína í æfingaferð í boði kínverska körfuknattleikssambandsins.

Liðið leikur tvo leiki gegn heimamönnum.

Héðan frá Íslandi heldur hluti leikmanna og fararstjórn til móts við þá sem eru erlendis og sameinast allir í Stokkhólmi áður en haldið er til Kína.

Kínverska körfuknattleikssambandið greiðir allan kostnað vegna fararinnar, það er öll flug, ferðalög milli keppnisstaða, gistingu og fæði. Þetta er í annað sinn á 6 árum sem kínverska körfuknattleikssambandið býður því íslenska til Kína. Kína bar sigur á Íslandi í báðum leikjunum í ágúst 2005.

Kína lítur á Ísland sem góðan kost í sínum undirbúningi fyrir Asíuleikana sem fara fram seinna í september þar sem leikstíll okkar er ekki ósvipaður og hjá sumum af andstæðingum kínverska liðsins á leikunum. Markmið Kína er að komast á Olympíuleikana í London 2012.

Það verður talsvert ferðalag á hópnum innan Kína þar sem m.a. þarf að fljúga í tveimur flugum til að komast til borgarinnar þar sem seinni leikurinn fer fram.

Fyrri leikur liðsins fer fram föstudaginn 9. september í Xuchang City en seinni leikurinn fer fram sunnudaginn 11. september í Loudi City.

Tvær breytingar hafa orðið á liðinu frá því liðið fór á Norðurlandamótið í síðasta mánuði en þeir Hörður Axel Vilhjálmsson og Haukur Helgi Pálsson gátu ekki farið með liðinu til Kína og hafa þeir Ægir Þór Steinarsson og Jón Ólafur Jónsson verið valdir í þeirra stað.

Tímamismunur er +9 klukkustundir en KKÍ mun birta fréttir og myndir úr ferðinni á kki.is og fleiri upplýsingar þegar nær dregur leikjunum.

Liðið er skipað eftirtöldum leikmönnum:

4 · Brynjar Þór Björnsson · Jamtland, Svíþjóð
Hæð 190 cm · Fæddur ‘88 · 13 landsleikir

5 · Jón Ólafur Jónsson · Snæfell
Hæð 198 cm · Fæddur ‘81 · Nýliði

6 · Jakob Sigurðarson · Sundsvall, Svíþjóð
Hæð 192 cm · Fæddur ‘82 · 48 landsleikir

7 · Finnur Atli Magnússon · KR
Hæð 205 cm · Fæddur ‘85 · 6 landsleikir

8 · Hlynur Bæringsson · Sundsvall, Svíþjóð
Hæð 200 cm · Fæddur ‘82 · 51 landsleikir

9 · Jón Arnór Stefánsson · CAI Zaragoza, Spáni
Hæð 196 cm · Fæddur ‘82 · 51 landsleikir

10 · Helgi Már Magnússon · Uppsala, Svíþjóð
Hæð 197 cm · Fæddur ‘82 · 66 landsleikir

11 · Ólafur Ólafsson · Grindavík
Hæð 190 cm · Fæddur ‘90 · 4 landsleikir

12 · Pavel Ermolinski · Sundsvall, Svíþjóð
Hæð 200 cm · Fæddur ‘87 · 18 landsleikir

13 · Ægir Þór Steinarsson · Fjölnir / Newberry College
Hæð 188 cm · Fæddur ‘88 · Nýliði

14 · Logi Gunnarsson · Solna, Svíþjóð
Hæð 190 cm · Fæddur ‘81 · 80 landsleikir

15 · Sigurður Gunnar Þorsteinsson · Grindavík
Hæð 204 cm · Fæddur ‘88 · 25 landsleikir

Þjálfari: Peter Öqvist
Aðstoðarþjálfari: Helgi Jónas Guðfinnsson
Aðstoðarþjálfari: Pétur Már Sigurðsson
Sjúkraþjálfari: Haukur Þór Sveinsson
Fararstjórar: Eyjólfur Þór Guðlaugsson og Friðrik Ingi Rúnarsson
Mótayfirlit
Mótayfirlit allra flokka
8.-10. flokkur stúlkna hjá Val að undirbúa sig fyrir leik á móti í Gautaborg í Svíþjóð. Valur vann leikinn 26-24. Liðið komst í b-úrslit á mótinu en gat ekki spilað úrslitaleikinn þar sem að ferðaskrifstofa liðsins gerði ekki ráð fyrir að liðið færi svona langt. Stelpurnar þurftu því að halda heim til Íslands áður en mótið kláraðist.
DómarahorniðLeiðararTölfræðiSaganViðtalið