Liðsmenn Lituanica sigurreifir að leik loknum

Úrslit Sumardeildarinnar fóru fram í dag þar sem lið Lituanica fór með sigur af hólmi í rosalegum úrslitaleik gegn Glímufélaginu. Lokatölur 21-17 fyrir Lituanica sem vann einnig í fyrra.

Leikið var á nýja Sportcourtvellinum í Garðabæ. Ágætis stemning var á svæðinu en því miður komu þrjú af þeim átta liðum sem áttu sæti í úrslitum og því var aðeins einn leikur í 8-liða úrslitum. Team DC vann auðveldan sigur á Ravens 21-6.

Í undanúrslitum lagði Glímufélagið Team DC 21-11 og í hinni undanúrslitaviðureigninni vann Lituanica Gullna Örninn 21-17.

KKÍ vill óska Lituanica til hamingju með sigurinn og liðunum sem tóku þátt í sumar. En deildin verður á sínum stað næsta sumar.

Hægt er að sjá myndir frá úrslitadeginum á Facebook síðu KKÍ.