Búið er að draga í töfluröð fyrir Iceland Express-deild kvenna á næstu leiktíð.

Íslandsmeistararnir úr Keflavík hefja tímabilið á því að fara til nágranna sinna í Grindaví og nýliðar Vals fá heimaleik gegn Snæfelli.

Silfurlið síðasta tímabils, Njarðvík, fara stutta ferð á Reykjanesbrautinni og skella sér í Hafnarfjörð og etja kappi við Hauka.

Á síðasta körfuknattleiksþingi var fyrirkomulaginu breytt í IE-deild kvenna á þá leið að A og B-riðlar voru aflagðir og í staðinn verða öll liðin í einni deild frá upphafi til enda. Leiknar verða fjórar umferðir sem þýðir að umferðirnar eru í heildina 28.

Fyrsta umferð:
Grindavík-Keflavík
Valur-Snæfell
Haukar-Njarðvík
KR-Hamar

Önnur umferð:
Snæfell-Haukar
Grindavík-Valur
Njarðvík-KR
Keflavík-Hamar

Leikjadagskrá IE-deildar kvenna 2011-12