Í kvöld fór fram úrslitaleikur á Evrópumóti kvenna í Póllandi og þar áttust við Rússland og Tyrkland. Leiknum lauk með sigri þeirra rússnesku en þær unnu sannfærandi sigur 59:42 og eru þar með Evrópumeistarar næstu tvö árin.

Það var Ólafur Rafnsson, forseti FIBA Europe sem afhenti fyrirliða liðsins sigurverðlaunin í kvöld í leikslok.

Frakkar urðu í 3. sæti og þar með bronsið eftir sigur á Tékkum, 63:56.

Að lokum sigraði Króatía íslandsvinina og spútnik lið Svartfjallalands í leik um 5. sætið 73:59.



Úrvalslið keppninnar var tilkynnt en það skipa:
C Maria Stepanova (Rússland)
C Nevriye Yilmaz (Tyrkland)
F Eva Viteckova (Tékkland)
G Sandra Mandir (Króatía)
G Elena Danilochkina (Rússland)

Elena Danilochkina var valin verðmætasti leikmaður keppninnar (MVP) en hún var með 55% 3-stiga nýtingu í keppninni, 13.9 stig að meðaltali og 50% nýtingu skota innan teigs.