Í gær fór fram seinni undanúrslitaleikurinn á EM kvenna í Póllandi og þar sigraði Tyrkland lið Frakka 68:62 og leikur því til úrslita gegn Rússum.

Tékkland og Frakkland munu því leika um bronsið að þessu sinni.

Nágrannarnir og fyrrum samlandar Svartfjallaland og Króatía leika um fimmta sætið og Lettland og Litháen leika um 7. sætið. Svartfjallaland náði að koma til baka gegn Litháen og sigra og tryggja sér leik um 5. sætið en sigurvegari í þeim leik fær síðasta sætið í móti sem gefur sæti á Ólympíuleikana, þannig að til mikils er að vinna fyrir liðið sem nær 5. sætinu á EM.

Þessir tveir leikir fara fram í dag og úrslitin og leikur um þriðja sætið á morgun sunnudag.

Hægt er að sá það helsta úr öllum leikjunum á FIBATV.com.